Албан ёсны харьяалах байгуулга: БНТУ-ын тусгай боловсролын “Алги” төв
Албан тушаал: АBA хөтөлбөрийн Ерөнхий координаторАлбан тушаал: АBA хөтөлбөрийн Ерөнхий координатор
Боловсрол: АНУ-ын Флоридагийн их сургуульд зан үйл судлалаар магистрын зэрэг хамгаалсан.
Зэрэг дэв: Олон улсын зан үйл судлаач нарын мэргэжлийн гэрчилгээ олгодог байгууллага BACB (Behavior Analyst Certification Board)-аас хүлээн зөвшөөрөгдсөн BCBA (Board Certified Behavior Analyst) буюу олон улсад үйл ажиллагааг нь хүлээн зөвшөөрдөг Зөвлөлийн гэрчилгээтэй мэргэшсэн зан үйл шинжээч
Башак Топчуолу нь Асах гэрэл баясал төв болон БНТУ-ын Алги тусгай боловсролын хүрээлэнгийн хоорондох хамтын ажиллагааны хүрээнд 2022 оноос тус төвийн Зөвлөхөөр ажиллаж сургалтын координатор, зан үйл засалчдыг тасралтгүй сургаж мэргэшүүлэхээс гадна эцэг эх, асран хамгаалагчдад зөвлөгөө, сургалтуудыг хийсээр байна.
Башак Топчуолу нь 2014 онд Истанбулын Билгийн их сургуулийн сэтгэл судлалын тэнхимийг төгссөн. 2014-2016 оны хооронд БНТУ-ын Тохум Аутизм сангийн тусгай боловсролын төвд аутизмтай хүүхдүүдийн практик дээр ажилласан.
2019 онд АНУ-ын Флоридагийн Их сургуулийн Технологийн хүрээлэнд Хэрэглээний зан үйлийн шинжилгээний чиглэлээр магистрын зэрэг хамгаалсан. Магистрт суралцах хугацаандаа эрдэм шинжилгээний туслахаар олон судалгаанд оролцсон. Эдгээр судалгааныхаа заримыг АНУ-ын мэргэжлийн сэтгүүлд хамтран хэвлүүлсэн, мөн судалгаагаа тус улсад болсон томоохон эрдэм шинжилгээний хурал дээр зурагт хуудас болон аман илтгэл хэлбэрээр танилцуулсан.
“Зүүж болох үйл ажиллагааны график нь аутизмтай хүүхдийн бие даан тоглох ур чадварт үзүүлэх нөлөөлөл” сэдвээр магистрын зэрэг хамгаалсан. Мөн суралцах хугацаандаа их сургуулийн эрдэм шинжилгээний хүрээлэн буюу Скоттын Аутизмын эмчилгээ, судалгааны төвд дадлагажигч багш, удирдагч багшаар ажилласан туршлагатай.
2019 оны 9 дүгээр сард Зөвлөлийн гэрчилгээтэй зан үйлийн шинжээч(BCBA) болсон. Аутизмтай хүүхдийн гэр бүлд чиглэсэн боловсрол олгох сургалт, хооллолтын эмгэг болон тэдгээрийг зан үйлд суурилсан аргуудаар төлөвшүүлэх нь түүний эрдэм шинжилгээний ажлуудад чухал байр суурь эзэлдэг. Аутизмын спектрийн эмгэгийг эрт оношлох, сургуулийн өмнөх болон өсвөр насны хүүхдүүдэд нийгэмшихэд тустай чухал ур чадварыг эзэмшүүлэх нь түүний ажлын гол зорилго чиглэл юм.
Тэрээр АНУ-д суралцах хугацаандаа хоолойн булчингийн дууриамал үнэлгээ (MVIA), Практик функциональ шинжилгээ (PFA), Аман зан үйл–Чухал үе шатыг үнэлэх болон Байршуулах хөтөлбөр (VB-MAPP) зэрэг семинаруудад оролцсон. Мөн Туркт ажиллах хугацаандаа Зураг солилцооны харилцааны систем (PECS), Гиллиам аутизмын эмгэгийн үнэлгээний шат (GOBDS), аутизмын спектрийн эмгэгийн цогц үнэлгээний багц (IVO-ODS), эрт бичиг үсгийн шалгалт (EROT), оюун ухаан, нийгмийн ур чадварын онол, Психо-Боловсролын Профайл масштабын дадлагажигчдад зориулсан гэрчилгээ олгох сургалтуудыг тус тус дүүргэсэн БНТУ төдийгүй олон улсад хүлээн зөвшөөрөгдсөн нарийн мэргэшсэн мэргэжилтэн юм.
